En Occitan
Dins la societat tradicionala, la nuditat demòra pas reservada
que per situacions plan raras: la teleta, le sòm e l'activitat
sexuala. La societat modèrna l'autoriza dins qualques autes cases
d'excepcion e jos condicions: la plaja, le cople, la familha.
L'accès a la nuditat – individuala o collectiva – es
un element important de l'emancipacion sexuala e de la liberacion dels
mors. Mentre que la pudor, que justifica la proïbicion de la nuditat,
es del costat de l’òrdre moral e del costat del sexisme.
La pudor favoriza les complèxes
Se qualqu'un pòt amagar una partida de son còs qu'es pas
confòrma a la nòrma sociala, li cal hèr, senon
sirà acusat/da d'èstre "impudic". Qui a pas
jamès entendut quicòm coma: "Gròssa coma es,
podriá aumens portar quicòm de mens cort!" Es atal
que nèishen les complèxes que tòcan diferentament
las hemnas e les òmes. Cada genre deu segudar una aparéncia
determinada e diferenciada del sèxe opausat.
La pudor se viu pas parelh per un òme o per una hemna.
Le genre femenin patís plan mès restriccions que le genre
masculin. Una hemna respectabla deu jamès mostrar son pèit
quitament se hè calorassa. Deu jamès pishar contra un
arbre. Deu jamès escartar las cambas en se sietant... Per contra,
se un òme hè tot aquò, sirà pas percebut
coma mens òme.
D'un aute costat, una persona es femenina se pòrta de harda que
mòstra le maxímum de son còs. En mostrant le naut
del pèit, l'esquina, le ventre, las espatlas e las cambas, enfortís
son image femenina. A l'encontrari, una òme qu'apareisheriá
atal en public prendriá le risque de se ridiculizar.
La pudor perpetua les tabós
Es pas estonant que çò que cal amagar le mès es
justament le sèxe. D'un punt de vista social, la sexualitat es
negada. Ignoram nòstre sèxe e le dels autis. De còps
fasèm quitament coma s’existèsse pas. Las quitas
règlas son amagadas a totis, coma se foguèsse un defaut.
La pudor mentís
La pudor nos vòl hèr creire que la nuditat es forçadament
erotica o sexuala, mentre qu'es justament ela que crèa aquesta
associacion d'idèia. En efèit, la nuditat de l'aute sèxe
es pas autorizada que dins situacions sexualas, perqué senon
es censurada. Donc es evident que la nuditat siá associada a’n
aquestas situacions.
D'un aute costat, sabèm plan que pro de harda es fèita
exprès per crear una atraccion erotica. Donc es una ipocrisia
de díser que le còs nud excita mès que le còs
vestit. Es pas ligat.
La pudor empacha la comunicacion e la coneishença entre les sèxes
En creant una distància, la pudor favoriza le sexisme. Defend
a qualques personas tala o tala situacion res qu'en foncion de son sèxe,
e li brembant sense relambi le ròtle que deu jogar en conformitat
ambe le genre masculin o feminin. Per exemple, a cada còp que
se refusa la mixitat (cabinets, dromitòris, dochas collectivas),
se preng totjorn le pretèxte de la pudor e de l'ordre moral.
La pudor es institucionalizada, nèish pas espontanèament
de l'individú
La nuditat sociala es proïbida e reprimida pel poder legal e policièr.
Le poder sanciona e censura la nuditat, l'escòla sanciona e censura,
la carrèra sanciona e censura, la familha sanciona e censura,
les amics sancionan e censuran... La pudor es pas que repression e autorepression.
Per totas aquelas rasons, es juste de ganhar aquela libertat confiscada
de poder víver nud-a-s dins totis les domenis de la vida. A cadun-a
de conquistar novèls terrens de nuditat sociala e ganhar libertats
individualas novèlas.
Malurosament le nudisme o naturisme vacancièr a pas (mès)
l'ambicion d'espandir la practica de la nuditat a d'autis activitats
que las de léser. Tanpauc luta per un "dreit a víver
nud-a".
A l'encontrari, le nudisme revolucionari deuriá cercar a normalizar
e socializar la nuditat coma una alternativa als mors tradicionals.
Les mejans podrián èster la desobesissença a l'ordre
establit e l'afrontament de las sancions socialas, mas tanben le contacte
e le dialògue argumentat per hèr cambiar las mentalitats.
[encart]
Les pretèxtes fausses
"Et pourquoi tu fais pas du ski à poils alors?"
Se cal pas enganar, la harda servís de quicòm: per se
protegir dels tempèris, per certanas activitats e per se "decorar".
Mas las autras justificacions son pas tròp claras...
"Ouais mais si je bande?"
En efèit, en cas d'ereccion se vei... E alavetz? Quand avèm
talent le ventre hè de brut, quand avèm caud susam, quand
avèm fred tremolam... Perqué nos caldriá amagar
las manifestacions del còs? Es vertat que la societat nos a pas
ensenhat le comportament social que cal aver en cas d'ereccion publica...
Donc, dins le dobte, òm aima milhon s'abstenir de se trobar dins
una tala situacion. A cadun de véser consí s'amagar darrèr
çò que tròba... o pas !
Cal rebrembar ça que la, qu'aquò's una situacion plan
rara.
"Et si j'ai mes règles?"
Avètz la causida entre les tampons que permeten la nuditat, e
las servietas que se pòrtan ambe de cauças. Mas en principi,
las règlas empachan pas la nuditat.
Per contra, avèm la costuma de las gardar secretas. Encara un
còp: perqué nos cal amagar una manifestacion naturala
del còs?
OFM – ofm@occitanie.com
CORRESPONDÉNCIAS
------------------------------------------------------------------
C o r r e s p o n d é n c i a s O c c i t a n > F r a n c
é s
Qualques règlas per qu'un-a francofòn-a comprenga l'occitan:
------------------------------------------------------------------
| Occitan |
Français |
| -a |
-e |
| o |
ou, o |
| o accentué |
o, eu |
| e |
è |
| h |
f |
| nh |
gn |
| ar |
é |
| ada |
ée |
| cion |
tion |
| if |
iu |